Geliyê Qereleglegê yê di navbera Saklikapiya li nêzî Akuşaxiya gundê Baskîlê û Keban û Bendava Karakayayê cî digire bi saya bernameyên danasînê yên bi destê Walîtî, Şaredarî, saziyên eleqedar û saziyên civaka sivîl tên meşandin va her diçe ji zêdetir ziyaretvanan ra malxwedîtiyê dike.

Geliyê Saklikapiyê ji Bendava Karakayayê yê di nav sînorê Baskîl û Kebanê da cî digre dest pê dike û 4,5 kîlomêtre dewam dike. Hin ciyê gelî qasî mêtreyekî teng dibe û li hin ciyan bilindahiya gelî digihîje 200 mêtreyî. Gelî bi kevir, şikeft, fosîl, flora û faunaya xwe balê dikişîne.

Geliyê Qereleglegê yê ji Bendava Kebanê dest pê dike û qasî 40 kîlomêtreyî meriv dikare bi kelekê lê bigere jî bi zinar, şikeft, wargeh, dar, martî û teyrên xwe va balê dikişîne.

Ziyaretvan dikarin bi keştiya turê ya modern a walîtî piştgiriyê dide û kelekên masîgiran va bi komî li gelî bigerin. Kesên ku cara ewil vê derê dibînin şaş û metel dimînin.

Ahmet Ozden Ozenê Midûrê Karûbarên Civakî û Çandê ya Şaredariyê di çarçoveya tura Komeleya Pêşketin, Huner û Çandê ya Firata Jorîn û Şaredariya Elezîzê amade kirin da bi hîndekarên Zanîngeha Firatê ra li gelî geriya daxuyanî da nûçegihanê AAyê.

Ozen got geliyên Saklikapî û Qereleglegê ne bi tenê ji bo Elezîz û Tirkiyeyê, ji bo turîzma dinyayê ciyên girîng in.

Ozen got dema li gelî geriyan li ber xweşikahiyên gelî şaş û metel man û wiha pê da çû:

"Hetanî ji destê me tê em ê ji bo danasîna geliyan turên gerê û turîstîk bikin. Em ê vê xweşikahiyê hem li bajêr hem jî li welêt bidin nasîn. Welatiyên me hetanî diçin li cihên dûr li mekanên wiha digerin bira werin vê derê û qala vê derê bikin."

"Divê her kes bibîne"

Ozgul Ozturka mîmar a ziyaretvan jî got cara ewil e vê derê dibîne û şaş û metel ma.

Ozturkê got xêncî du herêmên dibê hilpas bibin di parkurê da tiştekî zor tune û wiha pê da çû: "Li 2 herêman dibê hilpasî zinaran bibin û ser keviran ra banz bidin. Xêncî vê min tiştên xweşik ên gelî dîtin. Dibê her kes were vê derê bibîne."