Serokomar Erdogan got: "Em ê destûrê nedin ku ji ber fikrên îdeolojîk an jî sedemên din di navbera zarokên me yên qîz û dibistanên wan da dîwar bên avakirin."

Serokomar û Serokê Giştî yê AK Partiyê Recep Tayyîp Erdogan li Navenda Kongre û Çandê ya Milet ya Beştepeyê beşdarî Bernameya Vekirina Navendên Perwerdeya Pîşeyê ya li Herêmên Pîşesaziya Organizeyê bû.

Erdogan li vir daxuyand ev proje ji bo aborî, pîşesazî û perwerdeya Tirkiyeyê xebateke gelek girîng e.

- "Em ê destûrê nedin di navbera qîzên me û dibistanên wan da dîwar bên avakirin"

Erdogan anî ziman hişmendiya 28ê Sibatê wek şûrekî di pergala perwerdeyê da biçikîne gelek tesîrên nebaş li ser perwerdeyê kiriye û wiha axivî: "Em ê destûrê nedin ku ji ber fikrên îdeolojîk an jî sedemên din di navbera zarokên me yên qîz û dibistanên wan da dîwar bên avakirin. Em ê destûrê nedin ku di kîjan temenê da dibe bila bibe rê li ber ewladên vî welatî bê girtin ku ew dîn, diyanet û çanda xwe hîn nebin."

- "Em ê milyonek ciwanên xwe daxilî navendênperwerdeyê bikin û wan îstihdam bikin"

Serokomar Erdogan got bi saya vê xebatê perwerde û îstihdam wê paşve here û wiha pê da çû: "Bi vekirina lîseyên teknîkê yên Anadoluyê û pîşeyê yên navneteweyî va em ê him perwerdeyê bidin ewladên xwe û him jî em ê bidin ciwanên ji erdnigariya me. Heta dawiya salê em ê milyonek ciwanên xwe daxilî navendên me yên perwerdeyê bikin û wan îstihdam bikin."

Erdogan got divê şirketên taybet jî piştgiriyê bidin dewletê û wiha dewam kir: "Di projeyên perwerdeyê yên ku dewleta me bi rê va dibe û ji hêla madî va wek bar hildide ser xwe da divê qada taybet jî destê xwe bike bin kevir û alîkariyê bike. Me par milyarek lire ji kapasîteya hedefkirî zêdetir hilberîn kir û ji aliyê lîseyên pîşeyî va rekoreke dîrokî şikand. Armanca me ew e, hemû xwendekarên me yên ku perwerdeya pîşeyî dibînin, wexta xwendinê herî kêm qasî berkeda kêmtirîn dahatê bi dest bixin."