Li Duzceyê otobêsa rêwiyan li tirê ket û 37 kes birîndar bûn.

Li gor agahiya ku hat hildan, otobêsa rêwiyan a ku Hîlmî Gunduz diajot, plaqeya wê 34 VKF 21 e û ji Stenbolê diçû Diyarbekirê, di Otoyola Anadoluyê li aliyê Çiyayê Boluyê da ji para va li tira ku Îsmaîl Ozdemir diajot, plaqeya wê 27 GA 076 e û ber bi Enqereyê va diçû, xist.

Di qezayê da 37 kesên ku di otobêsê da bûn, birîndar bûn.

Li ser cabdayîna kesên derdorê ekîbên polês, îtfaiye û tenduristiyê sewqî herêmê kirin û ji bo derxistina şofêr Gunduzê ku di otobêsê da asê bûbû, xebat dan destpêkirin.

Birîndar rakirin nexweşxaneyên Duzce û Boluyê û hat gotin ku rewşa 3 birîndaran giran e.

Ji ber qezayê çûyîna ber bi aliyê Enqereyê va bi kontrolî ye û wesayît ji şirîtekê ra diçin.