Dadgeha Temyîzê ji ber "propagandaya rêxistinê" beraeta Gultan Kişanakê betal kir
Daîreya Cezayê ya 16mîn a Dadgeha Temyîzê der barê gotinên Gultan Kişanak a şaredara berê ya Bajarê Mezin a Diyarbekirê da biryar da ku bila li ser gotinên wê niqaş bên kirin û biryar paşê bê dayîn.
Ankara
Daîreya Cezayê ya 16mîn a Dadgeha Temyîzê biryara beraeta der barê Gultan Kişanak a şaredara berê ya Bajarê Mezin a Diyarbekirê da ji ber sûcê "propagandaya rêxistina terorê" hatibû dayîn betal kir.
Kişanakê di 16 Gulana 2012an da li Patnosa navçeya Agiriyê daxuyanî dabû çapemeniyê û ji ber gotinên li wê derê gotibû jî der barê wê da ji ber sûcê "propagandaya rêxistina terorê" doz hatibû vekirin.
Dadgeha Cezayê Giran a Patnosê der barê Gultan Kişanakê da biryara beraetê da.
Li ser temyîzkirina biryarê Daîreya Cezayê ya 16mîn a Dadgeha Temyîzê biryara beraetê ya dadgeha herêmî betal kir.
Di biryara daîreyê da gotinên ku Kişanakê gotiye hatin parvekirin û hat gotin ku ew gotin divê li gor rê û rêzikên qanûnî bên lêkolînkirin û bila bê mêzekirin ka ew gotin di nav xwe da tundî û tehdîtê dihewînin yan na û biryar li gor wê encamê bê dayîn.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
![](http://www.facebook.com/sharer.php?u=https://www.aa.com.tr/kk/tirkiye/dadgeha-temyîzê-ji-ber-propagandaya-rêxistinê-beraeta-gultan-kisanakê-betal-kir/2012509&p[images][0]=https://cdnuploads.aa.com.tr/uploads/Contents/2020/10/20/thumbs_b_c_6d5f2df300762850b6a8b8c83b80bc3b.jpg?v=121931&p[title]=Dadgeha Temyîzê ji ber "propagandaya rêxistinê" beraeta Gultan Kişanakê betal kir&p[summary]=Daîreya Cezayê ya 16mîn a Dadgeha Temyîzê der barê gotinên Gultan Kişanak a şaredara berê ya Bajarê Mezin a Diyarbekirê da biryar da ku bila li ser gotinên wê niqaş bên kirin û biryar paşê bê dayîn.
){kind=link}