Tirkiye

Cotkarên Mûşî ji bo firotina silqan li benda dora xwe ne

Veysel Eşin   | 19.10.2021
Cotkarên Mûşî ji bo firotina silqan li benda dora xwe ne

Muş

Li Milazgira navçeya Mûşê kampanyaya kirîna silqan dewam dike û cotkar jî ji bo silqên xwe bifiroşin di rêza qeynterê da sekinîne û li benda dora xwe ne. Dora ku ji cotkar û wesayîtên wan pêk tê bi qasî 10 kîlometre ye.

Qaymeqamê Milazgirê Yîgît Yaşar Demirer, Şaredar Cengiz Altin û Serokê Odeya Ziraetê ya Milazgirê Tahsîn Kiliç bi hev ra çûn serdana cotkarên li benda dora xwe bûn û der barê kampanyayê da jî agahî hildan.

Cotkaran ji ber piştevaniyê ji Demirer û kesên pê ra bûn ra spas kirin.

Şefê Kirîna Silqan a Herêma Milazgirê Îbrahîm Bostanci got ku wan par 95 hezar ton silq kirîn û îsal wê heta 120 tonî bikirin.

Bostanci destnîşan kir ku kampanyaya kirîna silqan a li Milazgirê di 16ê Îlonê da dest pê kir û wan heta niha 40 ton silq ji cotkarên Mûşî kirîn.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın