Bi operasyona MÎTê 2 terorîstên PKK/KCKyî anîn Tirkiyeyê
Ankara
Bi operasyona Teşkîlata Îstixbaratê ya Neteweyî (MÎT) terorîst Pervîn Arslana PKK/KCKyî û Emrah Adiguzelê parêzvanê Duran Kalkanê qaşo berpirsê payebilind ê rêxistinê, anîn Tirkiyeyê.
Li gor agahiya ku ji çavkaniyên ewlehiyê hat hildan, mensûbên PKK/KCKya rêxistina terorê Emrah Adiguzelê bi kodnavê Mazlûm Jîr Agirî û Pervîn Arslana bi kodnava Sarîna/Diljîn bi operasyona MÎTê anîn Tirkiyeyê.
Hat gotin ku ji terorîstan Emrah Adiguzel di sala 2012an da beşdarî rêxistinê bû û li bakurê Iraqê devera çiyayî dest bi fealiyetê kir. Li gor tesbîtê Emrah Adiguzel du salan parêzvaniya Duran Kalkanê bi kodnavê Abbas kiriye, di nav rêxistinê da li herêmên Gara, Şengal û Xakurkê fealiyet meşandine, li Şengalê qaşo berpirsyariya îstixbaratê ya rêxistinê kiriye. Hat gotin ku rêxistinê di sala 2020î da Emrah Adiguzel şandiye Îranê û li Îranê qaşo di nav berpirsên herêmê yên rêxistinê da cih digirt.
Pervîn Arslan jî di sala 2014an da tevî kadroyên çiyê yên rêxistinê bûye û li Metînaya bakurê Iraqê û li bakurê Sûriyeyê fealiyet meşandine, di nav yekeyên êrîşkar, sabotaj, sûîqestê da cih girtiye, di sala 2019an da şandine Îranê û li wê derê beşdarî fealiyetên rêxistinê bûye.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.