Tenduristî

"Kermêş herî zêde zilaman gez dikin"

Endama Lijneya Rêvebiriya Komeleya Klînîk Îmmunolojî û Alerjiyê ya Neteweyî ya Tirkiyeyê Prof. Dr. Asli Gelîncik, "Kermêş hin kesan zêde gez dikin. Kermêş herî zêde zilam, jinên ducanî, kesên qelew û obez gez dikin."

Nihat Kavşut   | 09.09.2019
"Kermêş herî zêde zilaman gez dikin"

Ankara

 Endama Lijneya Rêvebiriya Komeleya Klînîk Îmmunolojî û Alerjiyê ya Neteweyî ya Tirkiyeyê Prof. Dr. Asli Gelîncik, "Kermêş hin kesan zêde gez dikin. Kermêş herî zêde zilam, jinên ducanî, kesên qelew û obez gez dikin."

Gelîncikê daxuyanî da nûçegihanê AAyê û destnîşan kir kermêşên mê ji bona zêde bibin hewcedariya wan bi xwînê çêdike û însanan gez dikin.

Prof. Dr. Asli Gelîncikê destnîşan kir kermêş her kesî gez nakin û wiha got: "Kermêş hin kesan zêde gez dikin. Kermêş herî zêde zilam, jinên ducanî, kesên qelew û obez gez dikin. Bi taybetî kermêş kesên ku xwîna wan 0 e û însanên ku zêde urîk asît, laktîk asît û amonyak belav dikin gez dikin."

Gelîncikê diyar kir cil û bergên ku rengî wan tarî bin kermêşan didkişînin û got ji ber ku rengên tarî germahiyê kom û mihafeze dike rewşeke wiha çêdibe.

- "Fîtoqê li ciyê ku kermêş gez dikin bixin"

Prof. Dr. Gelîncikê diyar kir xwarinên bisîr û vîtamîna Byê tê da ne û bêhna vanîlyayê jî bala kermêşan dikişînin.

Gelîncikê diyar kir wexta kermêş gez dikin ciyê gez kirine nexurînin û wiha got: "Ev reaksiyona îltihabê zêde dike. Loma jî heta ji destê we tê nexurînin. Di ciyê wê da fîtoqê li ciyê ku kermêş gez dikin bixin. Wek mayîn feydeya cemedê, dermanên antîhîstamînîk û di rewşên giran da jî feydeya kortîzonê heye. Heger piştî ku gez kirin serêş, vereşîn, bêhalî û gêşbûn hebe herin navendeke tenduristiyê."


Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın