Serokê Meclisê Mustafa Şentop ji ber ku li Îzmirê ji ser hoparlorên mizgeftê stran dan guhdarkirin bertek nîşanî tevgerê da û got: "Di navbera zimandirêjiya li hemberî welêt û azanê da tu ferq tuneye. Çawa ku duh hedê neyarên azanê hat nîşandayîn wê îro jî dîsa bê nîşandayîn."

Li Îzmirê bi frekansên pergala deng a navendî ya Miftîtiya Îzmirê leyîstin û hoparlorên hin mizgeftan kilam dan guhdarkirin û Şentop jî ji ser medyaya civakî bertek nîşanî vê tevgerê da.

Şentop destnîşan kir ku azan mohra li ser vê axê ye û wiha pê da çû: "Azan bi tenê ne ji bo îbadetê ye ew di heman demê da nîşaneya azadiya me ye. Di navbera zimandirêjiya li hemberî welêt û azanê da tu ferq tuneye. Çawa ku duh hedê neyarên azanê hat nîşandayîn wê îro jî dîsa bê nîşandayîn."