Polîtîka

Serokomar Erdogan û Serokê DYAyê Biden civiyan

Hevdîtina Serokomar Erdogan û Serokê DYAyê Biden a di çarçoveya Lûtkeya Serokan a NATOyê da qediya.

Zafer Fatih Beyaz   | 29.06.2022
Serokomar Erdogan û Serokê DYAyê Biden civiyan

Ankara

Hevdîtina Serokomar Recep Tayyîp Erdogan û Serokê DYAyê Joe Biden a di çarçoveya Lûtkeya Serokan a NATOyê da qediya.

Serokomar Erdogan li Navenda Kongreyê ya IFEMAyê beriya hevdîtina digel Serokê DYAyê Biden diaxaftina xwe de anî ziman ku ji vî hevdîtina ku piştî demeke dirêj tê kirin, gelekî kêfxweş e.

Serokomar Erdogan di hevdîtina digel Biden de got, "Gavên ku ji bo hêzdarkirina NATOyê tên avêtin, bi taybet dê ji bo pêvajoya Rûsya-Ukraynayê sûdmend be."

Serokomar Erdogan di hevdîtina digel Biden de derbarê korîdora zad de got, "Em hewl didin bi polîtîkaya hevsengiyê pêvajoyê çareser bikin. Em hêvîdarin em bi ser kevin."

Serokê DYAyê Biden ji ber derxistina zadê Ukraynayê û hewlên wî yên ji bo serlêdana Swêd û Fînlandiyayê ya ji bo endamtiya NATOyê, spasiya Serokomar Erdogan kir.

Civîna ku bi dema Tirkiyeyê saet 18.55an ji çapemeniyê re girtî destpê kir, nêzîka saetekê ajot.

Di hevdîtinê de Wezîrê Karê Derve Mevlut Çavuşoglu, Wezîrê Parastina Neteweyî Hulusî Akar, Serokê Ragihandina Serokomariyê Fahrettîn Altun, Berdevkê Serokomariyê Îbrahîm Kalin û Serokê MÎTê Hakan Fîdan jî amade ne.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.