Nobeta dayikên Diyarbekirê ya bi hêviya bigihên zarokên xwe yên ku revandine serê çiyê, li pêşiya Serokatiya Bajêr a HDPyê dewam dike û malbateke din jî beşdarî çalakiyê bû.

Malbat HDPyê wekî berpirs dibînin ku zarokên wan revandine serê çiyê û ji bo vê yekê jî di 3yê îlona 2019an da nobeta ewladan da destpêkirin û nobeta wan di roja 860emîn da dewam dike.

Sînan Yuksekova ji Hekariyê hat û ji bo Kazimê birayê xwe yê ku di sala 2008ê da di 19 saliya wî da xapandin û birin serê çiyê, beşdarî çalakiya rûniştinê bû.

Malbatên ku li pêşiya Serokatiya Bajêr a HDPyê seba ewladên xwe bendewar in, pêşwaziya Yuksekova kir. Yuksekova daxuyanî da rojnamegeran û diyar kir ku ew ji bo beşdarî çalakiyê bibe, ji Yuksekovaya navçeya Hekariyê hat.

Yuksekova daxuyand ku birayê wî 14 sal berê hat xapandin, birin serê çiyê û ew dixwaze bigihêje birayê xwe û wiha dewam kir, "Ez hatim ku birayê xwe ji HDPyê bixwazim. Birayê min bi hevalekî xwe va diçe HDPyê, dixapînin û dibin serê çiyê."

Yuksekova daxuyand ku dê û bavê û par mirin û hesret û kesera birayê wî dikişandin.

Yuksekova destnîşan kirku dê û bavê wî birayê wî nedît û wefat kirin û wiha dewam kir, "Ez dixwazim birayê min êdî were teslîm bibe û bi me ra bijî."