Nobeta Dayikên Diyarbekirê ya ji bona Zarokên xwe

Li Hekariyê malbatan ji bo ewladên xwe çalakiya li pêşiya HDPyê domand

Sayim Harmancı, Hikmet Temeş   | 03.12.2021
Li Hekariyê malbatan ji bo ewladên xwe çalakiya li pêşiya HDPyê domand

Hakkari

 Li Hekariyê malbatên HDPyê wekî berpirsyarê revandina çiyê ya zarokên xwe dibînin çalakiya li pêşiya avahiya serokatiya bajêr a partiyê li dar dixistin vê hefteyê jî domandin.

Malbatên mexdûrê terorê yên li Kolana Cumhuriyetê kom bûn hetanî pêşiya avahiya HDPyê meşiyan.

Malbatan di hefteya 22yan a çalakiyê da bertek nîşanî HDPyê dan û qasî demekê çalakiya rûniştinê kirin.

Leyla Çîftçiyê li ser navê komê daxuyanî da û diyar kir ku ji bo zarokên bi xapandinê revandine çiyê li vê derê hatin ba hev.

Çîftçiyê destnîşan kir ku li Tirkiyeyê pirsgirêka teror heye û wiha axivî: "Ya ku ji Kurdan ra cudakariyê dike jî rêxistina terorê ye ya ku mafê jiyanê nade Kurdan jî rêxistinên terorê ne. Em ê hetanî dawiyê têkoşînê bidin. HDP û PKKyê bidin der û dayikê bi ser bikevin."

Reşît Koçê ji bo qîza xwe ya revandine çiyê hem li Diyarbekirê hem jî li Hekariyê beşdarî çalakiyê dibe got çalakiya xwe didomînin û wiha pê da çû:

"Em ji bo bigihêjin ewladên xwe çalakiyê dikin. Hetanî ewladên me neyên em dev ji çalakiyê bernadin. Em li dijî HDP û PKKyê ne. Em bi wan bawer nakin. Ma kê dixapînin? Lenet li PKKyê were."

Malbat paşê bi dirûşmeyan belav bûn.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın