Derheqê 24 hezar û 755 kesên ku guh nedan sînordarkirinê da miemele hat kirin

 Wezareta Karên Navxweyî daxuyand, derheqê 24 hezar û 755 kesên ku di navbera 11-18ê rêbendanê da guh nedan sînordarkirina derketina derva da miemeleya edlî/îdarî hat kirin.

Di daxuyaniya Wezareta Karên Navxweyî da hat bibîrxistin ku di têkoşîna şewba vîrusa koronayê ya nû da (Kovîd-19) seba parastina tenduristiya civakî û şexsî sînordarkirina derketina derva dewam dike.

Di vê çarçoveyê da welatiyên ku biryara sînordarkirinê binpê kirin, ji bo wan miemeleya îdarî an jî edlî hat kirin û wiha hat gotin:

"Derheqê 24 hezar û 755 kesên ku ji 11ê rêbendanê pê va nava hefteyê navbera saetên 21.00 û 05.00î û di navbera 15ê rêbendanê roja înê saet 21.00 û 18ê rêbendanê saet 05.00î da guh nedan sînordarkirina derketina derva da li gor Qanûna Hifza Sihetê ya Giştî ku jimara wê 1593 ye û li gor bendên qanûna ceza ya Tirk miemeleya edlî an jî îdarî hat kirin."