Wezareta Karên Navxweyî ragihand, di çarçoveya tevdîrên têkoşîna vîrusa koronayê ya nû (Kovîd-19) da dawiya hefteyê derketina derva hat qedexekirin û 12 hezar û 671 kesên ku guh nedan qedexeyê, miemeleya edlî an jî îdarî li wan hat kirin.

Li gor daxuyaniya nivîskî ya wezaretê, piraniya welatiyan guh da sînordarkirina derketina derva û wiha hat gotin, "Welatiyên me yên ku guh nedan biryara sînordarkirinê jî, li wan miemeleya îdarî an jî edlî hat kirin. 12 hezar û 671 kesên ku guh nedan biryara sînordarkirinê, li gor bendên têkildar ên Qanûna Hifza Sihhetê û Qanûna Cezayê Tirk li wan miemeleya edlî an jî îdarî hat kirin."