Li Wan, Bidlîs û Hekariyê berf û bagerê rêya 30 tax û gundan girt.

Li Wanê berf, bager û serma di çûyîn û hatinê da bû sedema tengasiyê.

Li gor daxuyaniya ku ji Şaredariya Bajarê Mezin hat dayîn, li navenda bajêr û navçeyan berf û bagerê rêya 11 taxan girt.

Ekîb ji bo vekirina rêyan dixebitin.

- Mûş

Li Mûşê hemû rêyên gundan ên ku berfê girtibûn, bi destê ekîbên berfê yên Îdareya Taybet a Bajêr vebûn.

Şefê ekîba berfê ya Îdareya Taybet a Bajêr Nazim Dîner diyar kir, ji ber çil û çiyayan li herêmê xebat zehmet e.

Dîner daxuyand wan bi xebateke demdirêj rê vekirin û ekîb niha xebatên firehkirina rêyan didomînin.

- Hekarî/Bidlîs

Berf û bagerê li Bidlîsê rêya 15 gundan, li Hekariyê rêya 4 gundan girt.

Ekîbên berfê yên Îdareya Taybet a Bajêr ji bo vekirina rêyan dixebitin.

Li Bidlîsê daran di sermayê da qiravî girt, bi çatiyên avahiyan va jî şembelîlk çêbûn.

Ekîbên şaredariyê jî berfa kuçe kolan û peyarêyan avêt û xoyê reşand.