Li Wanê ji bo kêmkirina rîska rabûna lehiyê li 12 deveran newal hatin islahkirin, 10 kîlomêtre kevir hatin rokirin.
Ekîbên Midûriya Herêma 17emîn a Karûbarên Avê ya Dewletê (DSÎ) li Wanê ji bo ku niştewar ji rîskên lehî û baranê werin parastin, dixebitin.
Ji bo ku li qadên birîsk pêşî li ber lehiyê were girtin, newal hatin paqijkirin û firehkirin. Wezîfedarên DSÎyê di newalan da paqijiya rusûbatê kir.
Di nava saleke dawî da li 12 niştewaran xebatên islahkirina newalan hat kirin û 10 kîlomêtre kevir hatin rokirin. Ekîb li herêmên birîsk xebatên xwe didomînin ku beriya zivistanê seba lehiyan tevdîran hildidin.
Midûrê Herêma 17emîn a DSÎyê Cîhan Aksoy ji nûçegihanê AAyê ra got ku li bajêr ji bo pêşîlêgirtina lehiyan wan tevdîr hildan.
Aksoy daxuyand ku di vê çarçoveyê da li navenda bajêr û navçeyan di saleke dawî da bi rêbaza îhaleyê û bi hêza kar a saziyê li 12 deveran xebat hatin kirin û wiha dewam kir, "Midûriya me ya herêmê li qada ku jê berpirsiyar e bi tevahî 20 kîlompêtre tahkîmata keviran kir. 10 kîlomêtreyên wê li navenda Wanê û navçeyên wê hatin kirin. Me li Newala Akkopruyê ya navenda bajêr seba kêmkirina rîska lehiyê paqijiya rusûbatê kir. Me li navçeyên me yên Muradiye, Erdîş û Gurpinarê jî dîsa ji bo kêmkirina rîska lehiyê dest bi tehkîmata newalan kir."
