Jiyan

Li Mûşê kîlerên di bin erdê da hê jî di rewacê da ne

Sabri Yıldırım   | 12.10.2021
Li Mûşê kîlerên di bin erdê da hê jî di rewacê da ne

Muş

 Li Yunorena gundê ser Korkuta navçeya Mûşê welatî kevneşopiya ku bi salan e heye hê jî didomînin û penêr û toreqA xwe di bin erdê da vedişêrin.

Welatiyên debara xwe bi heywandariyê dikin penêr û toraq, mast û rûnê ku havînê ji bo amadehiya zivistanê berhev dikin di kîlerên bin erdê da vedişêrin.

Ji ber ku ax sar e zexîreya welatiyan bi vî awayî xera nabe û seranserê zivistanê ew li gorî hewcedariya xwe derdixin û dixwin.

Zeynel Abîdîn Ugurluyê 67 salî ku bi heywandariyê debara mala xwe dike diyar kir ku ew penêr, toraq û qatixê xwe di kîlerên bin erdê da vedişêrin û wiha domand: "Em wan nakin sarincê. Kîler gorî sarincê çêtir e. Kîlerên me yên bin erdê baş in. Me ji bav û kalên xwe çawa dîtibe em wisa didomînin. Em ê vê kevneşopiyê hînî zarokên xwe jî bikin înşeallah."

Zekiye Gulê jî got ku ew zexîreya xwe ya ji bo zivistanê bi vê rêyê diparêzin û di bin erdê da vedişêrin û wiha pê da çû: "Kîlerên me bi qasî 2-3 metreyî di bin erdê da ne û ew havînê hênik û zivistanê jî germ in û ji ber vê jî zexîreya me xera nabe."

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın