Li Herêma Rojhilatê Anadoluyê germahiya herî kêm di bin sifirê da 23 pileyan va li Agiriyê hat pîvan.

Li gorî daxuyaniya Midûriyeta Meteorolojiyê ya Herêma 12emîn, tê texmînkirin ku li herêmê hewa wê li Erdexan, Qers û bakurê Erziromê perçe ewrayî û li cihên din jî kêm ewrayî be.

Li herêma ku germahî wê li gor demsalê be, ba jî wê ji hêla bakur va nerm, car caran jî nîveqewî rabe.

Li herêmê bi şev germahiya herî kêm di bin sifirê da li Agiriyê 23, li Erziromê 16, li Qersê 12, li Erdexanê 8, li Erzinganê 7 û li Îdirê jî 3 pile hat pîvan.

Her wiha tê texmînkirin ku nava rojê jî germahiya herî zêde li Îdir û Erzinganê 10, li Erzirom, Qers û Agiriyê pileyek, li Erdexanê jî di bin sifirê da 2 pile be.

Li navendên xweşiqitandinê qalindahiya berfê li Palandokenê 122, li Sariqamîşê 86 û li Konakliyê jî 45 santîmetre hat pîvan.

Ji ber ku li temamiya herêmê hişkî û cemedê çêbibe, ji şofêr, welatî û rayedaran hat xwestin ku ew baldar û bi tevdîr bin.