Li Avkevira (Taşliçay) navçeya Agiriyê ber bi dawiya tîrmehê va çiyayên ku belekiyên berfê jê xalî nebûne, mazûvaniya hezjêkerên siruştê kirin.
Çiyayê Eledaxê yê ku raqima wê 3 hezar û 500 e û dikeve nava sînorê navçeya Avkevirê, di tîrmehê da jî ji belekiyên berfa ser veneheliyaye.
Li aliyekê çiyê berf heye li aliyê din kulîlkan vekiriye û bi bedewiya xwe ya siruştî va bûye pêgeha hezjêkerên siruştê.
Hezjêkerên siruştê piştî hilpaskbûna ku çendîn saetan dewam dike, ji herêmên belekiyên berfê û zinaran ra derbas bûn û derketin tepa çiyê.
Bi tepa çiyê va Çiyayê Sîpan, Çiyayê Agiriyê, Kirê Tendûrekê û Gola Wanê dixuyê. Hezjêkerên siruştê li ber van menzereyan wextê xwe derbas kir, alaya Tirkiyeyê vekir û wêneya bîrdariyê da kişandin.
Hilpaskbûna dijwar a hezjêkerên siruştê û çiyayên ku di binê berfê da ne, bi dronê hatin kişandin.
