Li Wanê kûzeyeke ku havînan qehweyî û zivistanê jî rengê wan diguhere gewr dibe û bi piranî bi şevan derdikevin zêde nayên dîtin, dema li derva digeriya dîmenê wê hat kişandin.

Kûzeyên ku havînan û zivistanan rengê wan diguhere, di nava wan ajelan da ne ku cisnê wan li ber qelînê ye û tên parastin.

Kûzeyên di warê dîtin, bihîstin û bêhn sitandinê da gelekî pêşketî ne, populasyona ajelên kojer dixin bin kontrolê û nahêlin ku zirarê bidin çandiniyê. Ji vê hêlê va kûze ji bo ekosîstem û pircurehiya biyolojîk gelekî giring in.

Kûzeyên bi karîna xwe ya ku zû hest bi xetereyan dikin û beşdarbûna di parastina hevsengiya siruştê da derdikevin pêş, li navçeya Bahçesarayê hat dîtin.

Kûzeya ku demekê di nav keviran da geriya û ji bo kamerayê poz da, dû ra ji ber çavan winda bû.

Rêveberê Navenda Parastin û Rehabilîtasyona Ajelên Kovî li Zanîngeha Yuzuncu Yil Wanê Prof. Dr. Lokman Aslan ji nûçegianê AAyê ra anî ziman ku cisnê kûzeyan li herêmê ji ber têkçûna qadên jiyana siruştî û şert û mercên jiyana kovî li ber qelînê ye.

Aslan anî ziman ku li gelek deveran ji ber ku kûze dikevin kozikan û zirarê didin ajelên baskdar, ji aliyê mirovan va tên kuştin, kûze nava rojê xwe vedişêrin û bi şevê derdikevin nêçîrê.

Aslan tekezî kir ku ji bo mayina nifşê kûzeyan divê welatî bêtir baldar tev bigerin.