Trump diyar kir, ji ber ku li ser xalên sereke yên peymanekê lihevkirin çêbû, wî êrîşên dijî Îranê dan sekinandin

Serokê Amerîkayê Donald Trump ragihand, bi Îranê ra li ser xalên sereke yên peymanekê lihevkirin çêbû û wî ji ber vê yekê êrîşên dijî Îranê yên dihatin plankirin, dan sekinandin.

Serokê Amerîkayê Trump li ser hesabê xwe yê medyaya civakî daxuyanî da û diyar kir, wî êrîşên muhtemel ên ku wê dawiya vê hefteyê li dijî Îranê bihatana kirin, dan sekinandin.

Trump diyar kir, Îran û welatên Rojhilata Navîn ên ku bi Îranê ra diaxivin, li ser "xalên sereke yên peymanekê" mitabiq man û xwestin ku Amerîka êrîşên nû neke.

Trump daxuyand, li gor peymana navborî "Tengava Hurmuzê wê bi temamî vebe" û "tehdîda nukleerê ya Îranê wê bi temamî biqede" û wiha dewam kir:

"Li gorî vê daxwazê seba feydeya dinyayê û ji bo ku Îran têk neçe, bi şertê ku bi awayekî lez û bez peymanek were çêkirin, min rawestandina êrîşan qebûl kir."

Trump daxuyand ku Îsraîl jî di vê yekê da wekî wî difikire.