Nûnerê Daîmî yê Neteweyên Yekbûyî (NY) yê Tirkiyeyê Ferîdun Sînîrlîoglu di Konseya Ewlehiyê ya NYê da axivî û diyar kir, li Sûriyeyê rejim bi behaneya "têkoşîna terorê" êrîşên esmanî û bejayî didomîne û rewşa însanî ya trajîk derket asteke pir xerab.

Ferîdun Sînîrlîoglu diyar kir, di nav 2 mehên dawîn da nêzî milyonek kes ji cî û warên wan hatin kirin û di şerê ku 9 sal e li sûriyeyê dewam dike da herî zêde vê gavê mirov ji cî û warên wan tên kirin û wiha dewam kir: "Komkujerê li Şamê ji berfanbara 2019an vir va ji 2000î zêdetir kes kuştin û ev kuştin sûcê şer û sûcê dijî mirovahiyê ye."

Sînîrlîoglu daxuyand ku li Îdlibê kamp têrê nakin û divê demildest kamp werin avakirin, ji peydakirina van pêdiviyan Tirkiye bi NY û Almanyayê ra dixebite û ji 9 milyonî zêdetir Sûriyeyî tên xwedîkirin û paraastin.

Ferîdun Sînîrlîoglu got ku rejim li Îdlibê bi qestî êrîşî hêzên Tirkiyeyê dike, 5 eskerên din ên Tirkiyeyê di êrîşan da hatin şehîdkirin û bi bîr xist ku di çarçoveya midafaya meşrû da demildest bersiva van êrîşan hat dayîn.

"Em ê ji baregehên çavdêriyê venekişin"

Sînîrlîoglu wiha axivî: "Tirkiye wê (li Îdlibê) li hemû hedefên ku tehdîd in, bixe. Em ê eskerên xwe paşve nekişînin û ji baregehên çavdêriyê venekişin. Heta dawiya mehê divê rejim ji pozîsyona xwe ya niha vekişe."

Sînîrlîoglu bangewaziya xwe dubare kir ku demildest agirbest çêbibe, mitabaqata soçiyê were sepandin.