Tirkiye û 7 welatan êrîş û binpêkirinên hiqûqî yên Îsraîlê yên li Xezeyê bi awayê herî xurt şermezar kir

Wezîrên Karên Derva yên Tirkiye û 7 welatan êrîşên Îsraîlê yên ku li Xezeyê binesaziya tibî û sivîl kirin hedef û binpêkirinên wê yên hiqûqa însanî ya navneteweyî bi awayê herî tund şermezar kirin.

Wezîrên Karên Derva yên Tirkiye, Misir, Endonezya, Urdun, Pakistan, Qeter, Erebistana Siûdî û Mîrektiyên Yekbûyî yê Ereban der barê binpêkirinên Îsraîlê yên li Xeta Xezeyê da daxuyaniya hevpar weşand.

Hedefgirtina tesîsên tenduristiyê û binesaziya tibî, êrîşên dijî binesaziya sivîl, jin û zarok jî di navê da kuştina sivîlan di serî da, Wezîran binpêkirinên Îsraîlê yên ku li Xeta Xezeyê dewam dikin, hiqûqa navneteweyî û hiqûqa mirovahiyê ya navneteweyî bi tundî binpê dikin, bi awayê herî xurt şermezar û lenet kirin.

Wezîran destnîşan kir, dewamkirina binpêkirinên Îsraîlê, binpêkirina hiqûqa navneteweyî û binpêkirina Plana Aştiyê ya Xezeyê ye. Bi taybetî piştî ku Serokê Amerîkayê Donald Trump daxuyand ku wî nexşerêya seba Plana Aştiyê ya Xezeyê qebûl kir, binpêkirinan dewam kir. Di nexşerêya ku Trump qebûl kir da sînordarkirina çekên komên Filistînî jî heye. Dewamkirina binpêkirinan nahêle ku qonaxa duyem a planê were sepandin û hewldanên navneteweyî û herêmî yên ji bo sepandina planê asteng dike.

Wezîran daxuyand ku binpêkirin pêvajoya siyasî tehdîd dikin, rîska wê yekê heye ku pevçûn cardin zêde bibin û felaketa li Xezeyê mezintir bibe.