YPG/PKKya rêxistina terorê li herêmên dagir kiriye yên li Sûriyeyê meha çûyî 4 zarokên qîzîn ên emrê wan di navber 11-17 salî da revand û çekdar kir.

Li gor agahiyên ji çavkaniyên herêmî hatin sitandin, di nav meha çûyî da terorîstên YPG/PKKyî ji Rumeylan, Qamişlo û Amûdêya navçeyên Hesekeyê û Şêx Mexsûda taxa Helebê 4 zarokên qîzîn revandin.

Nûçegihanên AAyê gihîştin nasnemaya qîzên hatin revandin û hat dîtin ku emrê wan di navbera 11 û 17 salan da diguhere û malbatên wan ji wan tu xeberekê hilnadin.

Çavkaniyan destnîşan kirin ku YPG/PKKya rêxistina terorê ji bo bi zorê çekdar bike zarokan direvîne, van zorakan dibe kampên li Çiyayê Qendîlê.

Hin malbatên ku YPG/PKKyê zarokên wan revandine jî ji ber tirsê newirên bêjin ku zarokên wan hatine revandin.

- YPG/PKK zarokan wekî şervan bi kar tîne

Di rapora "Qaçaxçîtiya Merivan a 2020î" ya Wezareta Karên Derva ya Amerîkayê di 26ê hezîranê da weşan da jî cî girtibû ku YPG/PKKya rêxistina terorê zarokan dide şerkirin.

Di raporê da wiha hatibû gotin: "YPG li kampên penaberan ên bakurê rojavayê Sûriyeyê zarokên kurîn û qîzîn ên 12 salî jî bi zorê çekdar dike û bikaranînê didomîne."

Konseya Mafên Mirovan a Neteweyên Yekbûyî (NY) di rapora 16ê rêbendanê da diyar kiribû ku terorîstên YPG/PKKyî li Sûriyeyê zarokan bi zorê wekî şervan bi kar tîne.