Serokomar Recep Tayyîp Erdogan der barê hevdîtina xwe ya bi Serokê Dewleta Rûsyayê Vladimîr Putîn ra wiha got, "Bi vê wesîleyê bi taybetî em ê geşedanên li Sûriyeyê gotûbêj bikin bawer dikim ku wê vê herêmê rehet bike."

Erdogan û Putîn li Rûs Sanatoryumê hatin bal hev.

Serokomar Erdogan di destpêka civînê da ku ji çapemeniyê ra vekirîbû got ku bi vê wesîleyê bi taybetî em ê geşedanên li Sûriyeyê gotûbêj bikin û bawer dikim ku wê vê herêmê rehet bike.

Erdogan got ku hevdîtina me ya îro ji bona rola Tirkiye û Rûsyayê ya li herêmê nîşan dide zehf girîng e.

- "Tirkiye feydeyeke mezin dide asayîbûna rewşa li herêmê"

Serokê Dewleta Rûsyayê Putîn diyar kir bi Erdogan ra di serî da qeyrana li Sûriyeyê wê meseleyên herêmî gotûbêj bikin û got ku Tirkiye feydeyeke mezin dide asayîbûna rewşa li herêmê.

Putîn got ji ber ku ji Rûsyayê bênavber xaza siruştî diherike û divê Ewropa ji Tirkiyeyê ra minetdar be.