Serokomarê Îranê: "Em ê yekparetiya axa xwe biparêzin, lê em naxwazin şer mezin bibe"

Serokomarê Îranê Mesûd Pezeşkiyan diyar kir, ew naxwazin bi Amerîkayê ra şer mezin bibe, lê Îran wê seba parastina yekparetiya axa xwe û berjewendiyên xwe yên neteweyî bi hemû hêza xwe va tevbigere.

Li gor IRNAya ajansa nûçeyan a fermî ya Îranê, li paytext Tehranê Merasima Bernameya Hekîmtiya Malbatê ya Neteweyî hat lidarxistin û Pezeşkiyan beşdarî vê merasimê bû û tê da axivî.

Pezeşkiyan li ser pevçûnên ku bi Amerîkayê ra dewam dikin axivî û der barê êrîşên Amerîkayê yên ku Îranê dixin hedef da wiha got, "Em ê yekparetiya axa xwe bi hemû hêza xwe va biparêzin, lêbelê em naxwazin şer mezin bibe yan jî em naxwazin şer bidomînin."