Dinya

Serokê Meclisa Iraqê: Em piştgiriyê didin bangewaziya hilbijartina pêşwext a Sedr

Ekrem Biçeroğlu   | 05.08.2022
Serokê Meclisa Iraqê: Em piştgiriyê didin bangewaziya hilbijartina pêşwext a Sedr

Iraq

 Serokê Meclisa Iraqê Mihemed Helbûsî diyar kir ku ew piştgiriyê didin bangewaziya hilbijartina pêşwext a Muqteda es-Sedrê lîderê Tevgera Sedrê kir.

Helbûsî ji ser hesabê xwe yê Twitterê daxuyanî da û diyar kir ku Meclisa Nûneran nûnertiya gel dike û komên dest bi tevgerê kirine jî parçeyek ji Meclisê ne.

Helbûsiyê siyasetmedarê Sunî destnîşan kir ku bi tu awayî divê bangewaziya Sedr neyê piştguhkirin û wiha domand: "Em piştgiriyê didin pêvajoya ku bila hilbijartina giştî û herêmî ya di çarçoveya berjewendiyên welêt da li gor rê û rêzikên makezagonê û bi nêrîneke demokratîk va li serê lihevkirin pêk bê."

Sedrê lîderê Şiî di 3ê Tebaxê da daxuyanî da û got ku bila parlemento bê betalkirin û hilbijartina pêşwext bê kirin û bi vê tevgerê jî derî li reqîbên xwe yên siyasî yên Şiî ku nêzî Îranê ne girt.

Lîderê Heşdî Şabiyê Falîh el-Feyyad jî di daxuyaniya duh weşand da got ku ew bangewaziya Sedr a ji bo hilbijartina pêşwext red dike.



Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın