Dinya

Li Iraqê jimartina bi dest a rayên hilbijartinê temam bû

Hat ragihandin encama jimartina bi dest û ya pergala ji ser elektronîk hatibû kirin, wek hev derket.

Haydar Karaalp   | 25.11.2021
Li Iraqê jimartina bi dest a rayên hilbijartinê temam bû

Baghdad

 Komîseriya Hilbijartina Bilind a Iraqê ragihand bi dest jimartina rayên sandoqên hilbijartinê ku lê îtiraz hatibûn kirin, temam bûn.

Komîseriyê der barê rayên di sandoqên lê îtiraz hatibûn kirin da daxuyanî da û ragihand ku bi dest jimartina wan temam bû.

Di daxuyaniyê da hat gotin ku hemû sandoqên bi îtiraz cihêkirin û rayên di wan da yek bi yek û bi dest hatin jimartin. Hat gotin ku encama ji ser pergala elektronîk û encama jimartina bi dest hema bêje ji sedî 100 wek hev derket.

Li Iraqê di 10ê Cotmehê da hilbijartina giştî ya berwext hat kirin û gorî encamên ne teqez Koalîsyona Fetîhê ya nêzî Îranê ku hejmara parlementerên wê ji 48an daket 16an û Heşdî Şabî û hêzên siyasî yên nêzî wan ji bo sandoqên li hin bajaran îtiraz kirin û xwestin ku bila rayên di wan sansoqan da bi dest bên jimartin.

Li ser îtiraza wan Komîseriya Hilbijartina Bilind a Iraqê jî biryar da ku bila rayên li hin bajaran ji nû va bên jimartin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın