Li bajarê Cingcou yê eyaleta Hinanê ya li naverasta Çînê hejmara kesên ku ji ber lehiyê mirin derket 51ê.

Li gorî nûçeyên çapemeniya xwemalî, amar bi tenê yên bajarê Cingcouyê ne û her wisa li herêmên din ên eyaletê jî ji ber barana gumrah çeman di ser ra avêtin.

Hat ragihandin, hejmara kesên ku ji ber lehiyê mirin derket 51ê, valakirina ciyên ku di bin avê da man û xebatên paqijkirina heriyê berdewam in. Hat destnîşankirin, ziyana li Cingcouyê bi qasî 10 milyar dolarî ye.

Hat diyarkirin, di nava yên ku mirin da ew 12 kes jî hene ku di metroya Cingcouyê da ji ber ava lehiyê mehsûr mabûn. Dîsa ji ber lehiyê bi qasî 400 hezar kesî jî hatin texliyekirin.