Li Efxanistanê guleya rokêtê li avahiyê ket: 12 kes mirin

KABUL

Hat ragihandin ku li Wardaka Efxanistanê di şerê navbera hêzên ewlehiyê û Talibanê da guleyeke rokêtê li avahiyekê ket û di encamê da 12 kes mirin û 6 kes jî birîndar bûn.

Endamê Şûreya Kar a Wardakê Şerîfullah Hotak daxuyanî da nûçegihanê AAyê û wiha got: "Ber destê sibehê li herêma Dankoya Sayed Ebadê guleyeke rokêtê li avahiyekê ket û di encamê da 12 kes mirin û 6 kes jî birîndar bûn."

Hodak diyar kir ku li herêmê pevçûnên di navbera hêzên ewlehiyê û Talibanê da dewam dikin.

Hodak destnîşan kir ku 6 kesên birîndar rakirin nexweşxaneyê û got ku em nizanin gule ya kê ye.