Dinya, Koronavîrus

Li dinyayê hejmara kesên bi Kovîd-19ê ketin ji 43 milyonî derbas bû

Türkan Tosun   | 25.10.2020
Li dinyayê hejmara kesên bi Kovîd-19ê ketin ji 43 milyonî derbas bû

Ankara

 Li dinyayê hejmara kesên bi vîrusa koronayê ya nû (Kovîd-19) ketin ji 43 milyonî derbas bû.

Li gor "Worldometer"a malpera înternetê ya ku agahiyên li ser Kovîd-19ê berhev dike, li tevahiya dinyayê hejmara kesên heta niha bi Kovîd-19ê ketin gihîşte 43 milyon û 2 hezar û 322yan.

Welatê ku mirî û pêketiyên wê herî zêde ne, Amerîka ye. Li Amerîkayê hejmara pêketiyan derket 8 milyon û 827 hezar û 932yan.

Ji bilî Amerîkayê welatên ku hejmara miriyan ji 10 hezarî derbas bûye wiha ne:

Hindistan (7 milyon û 866 hezar û 740), Brezîlya (5 milyon û 381 hezar û 224), Rûsya (milyonek û 513 hezar û 877), Îspanya (milyonek 110 hezar û 372), Fransa (milyonek û 86 hezar û 497), Arjantîn (milyonek 81 hezar û 336), Kolombiya (milyonek û 7 hezar û 711), Meksîka (886 hezar û 800), Peru (886 hezar û 214) û Îngiltere (854 hezar û 10).

Li Tirkiyeyê jî hejmara pêketiyan gihîşt 359 hezar û 784an.

Şewba Kovîd-19ê ya li Wuhana bajarê Çînê derket holê ji 200î zêdetir welat û herêman belav bû. Ji ber şewbê milyonek û 155 hezar û 524 kes mirin.

31 milyon û 707 hezar û 974 kesên şewbê ketin baş bûn, tedawiya 10 milyon û 138 hezar û 824 kesan dewam dike.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın