Hat ragihandin ku Artêşa Îsraîlê li başûrê Sûriyeyê girt ser gundê Beyt Cinê yê herêma Qetanaya li çolwarê Şamê û di encamê da 2 jê zarok, 2 jê jin 13 kes hatin kuştin û herî kêm 24 ke birîndar bûn. Her wiha di pevçûna ku derket da 3 jê giran 6 eskerên Îsraîlê birîndar bûn.

Li gorî nûçeyên çapemeniya Sûriyeyê, eskerên Îsraîlê êrîşî bajarokê Beyt Cinê yê herêma Qetanaya li çolwarê Şamê kirin.

Hat diyarkirin ku di dema serdegirtina eskerên Îsraîlî da ku hewl didan bi zorê hin kesên li bajarokê bigirin, pevçûn derketiye.

Hat ragihandin ku artêşa Îsraîlê di dema êrîşê da bi helîkopteran piştgirî da eskerên ku êrîş li dar xistin.

Her wiha hat ragihandin ku artêşa Îsraîlê bi topan hin deverên Beyt Cinê hedef girtiye.

Li gorî agahiyên ku nûçegihanê AAyê ji çavkaniyên herêmî wergirtiye, di pevçûnê da herî kêm 2 jê zarok, 2 jê jin 13 kes hatin kuştin û herî kêm 24 kes jî birîndar bûn.

Necîb Ennasan Rêveberê Rêwerdan, Ambûlans û Rewşên Awarte yê Wezareta Tenduristiyê, ji ajansa nûçeyan a fermî ya Sûriyeyê SANA re got: "Heta niha, cenazeyên 13 şehîdan û zêdetirî 24 birîndaran di êrîşa Îsraîlê ya li ser bajarokê Beyt Cinê ya li çolwarê Şamê de ji bo nexweşxaneyan hatine veguhestin; ev hejmar amarên berahî ne û hê ne teqez in."

Artêşa Îsraîlê bi daxuyaniyeke nivîskî êrîş piştrast kir.

Di daxuyaniyê da hat gotin ku li Beyt Cinê ji bo girtina 2 kesên ku tê îdiakirin endamên "Cemaeta Îslamî" ne, operasyon hatiye kirin.

Hat ragihandin ku di dema êrîşê da pevçûnek derketiye û 3 ji wan bi giranî, 6 eskerên Îsraîlî birîndar bûne.