Dinya

Amerîkayê ji ber hilbijartina Çîn û Rûsyayê ya ji bo Konseya Mafên Mirovan a NYyê bertek nîşan da

Türkan Tosun   | 14.10.2020
Amerîkayê ji ber hilbijartina Çîn û Rûsyayê ya ji bo Konseya Mafên Mirovan a NYyê bertek nîşan da

Washington DC

Wezîrê Karên Derva yê Amerîkayê Mîke Pompeo ji ber ku Rûsya û Çîn jî ji bo Konseya Mafên Mirovan a Neteweyên Yekbûyî (NY) hatin hilbijartin bertek nîşan da.

Pompeo di daxuyaniya xwe ya nivîskî da wiha got: "Amerîka ji ber hilbijartina rejimên otorîter ên ji bo Konseya Mafên Mirovan a NYyê konseyê şermezar dike."

Pompeo bi bîr xist ku Amerîka di 2018an da ji konseyê vekişiya û got konsey li dijî Îsraîlê tevdigere û niha jî welatên mafên mirovan binpê dike hildibijêre.

Wezîr Pompeo got divê di konseyê da reform bê kirin.

Navenda Konseya Mafên Mirovan a Neteweyên Yekbûyî Cenevre ye, 47 endamên wê hene. Di nav 15 welatên nû hatin hilbijartin da Çîn û Rûsya jî hene ku ew tê rexnekirin.

Welatên din ên hatin hilbijartin Fransa, Îngiltere, Pakistan, Ozbekistan, Nepal, Senegal, Qeraxên Diranê Fîlan, Malawî, Gabon, Ukrayna, Meksîka, Bolîvya û Kuba ne.

Welatên nû hatine hilbijartin wê ji 1ê Çileya Paşîn a 2021ê pê va di konseyê da 3 salan wezîfeyê bikin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın