"Sempozyuma Melayê Cizîrî ya Navneteweyî ya 4emîn" ya ku li Cizîra navçeya Şirnexê tê lidarxistin dest pê kir.

Di vekirina sempozyuma ku bi hevkariya Zanîngeha Şirnexê û Qaymeqamtiya Cizîrê li otêlekî hat lidarxistin da Sirûda Neteweyî û Qur'ana Pîroz hat xwendin.

Piştî nimayîşa vîdeoya behsa jiyana Melayê Cizîrî dike peyama Serokomar Recep Tayyîp Erdogan a der barê sempozyumê da hat parvekirin.

Alîkarê Wezîrê Perwerdeya Neteweyî Nazîf Yilmaz di vekirina sempozyuma ku dê 2 rojan berdewam bike da axivî û got ku qîmeta mekanekî ji kesên ku bi îlm, irfan û hîkmeta xwe wê mekanê xweşik dikin derdikeve holê.

Yilmaz got ku "Îro li vir axaftin û bibîranîna Melayê Cizîrî berdewamiya îlm û kevneşopiyeke li dora nêrîna wî da pêk tîne. Van mirovan vê civakî hem nasnameya neteweyî hem nasnameya neteweyî parastine û xizmet dane mirovan."

Yilmaz behs kir ku Melayê Cizîrî ne tenê bi helbestên xwe yên tesewufî bi nêrîn û raman xwe va jî mînak e û got ku "Di serî da Melayê Cizîrî bo van mirovên xweşik ên ku mohra xwe li vê erdnîgariyê xistine deynê me yê wefayê heye. Ji ber wê jî wek wezaret em di vê çarçoveyê da xebatan dikin."

- "Em ê exlaqê xweş bi nêrîn û ramana Cizîrî binirxînin"

Waliyê Şirnexê Bîrol Ekîcî jî diyar kir ku par nêrîna yekîtiyê ya Melayê Cizîrî hat guftûgokirin îsal jî dê mijara nêrîna wî ya exlaqê ku mijareke gelekî kûrtir e bê nîqaşkirin.

Ekîcî got exlaqê ku Cizîrî li pey bû exlaqê Îslamê bû û ev gotin:

"Exlaqê ku em hemû li pey in exlaqê xweş e û em ê hemû bi hev ra îsal bi nêrîna Cizîrî exlaqê xweş binirxînin. Wek exlaqî heyamên ku birayê ji bo birayê din, misilmanan ji bo misilmanên din kemîn vedidan çêbû, em ji heyamên wisa tarî derbas bûn. Baweriya min a bêdawî heye ku em û van heyaman bi serokatiya Serokomarê me di 'Sedsala Tirkiyeyê' ya ku projeya yekîtî, bihevrabûn û biratiyê ye da hel bikin. Ez di vê mijarê da ji bo hewldanên hemşeriyên me spasdar im."

Serşêwirmenda Serokomar Gulşen Orhanê jî diyar kir ku Melayê Cizîrî ne tenê helbestanek e ew mutefekirek, ramînereke mezin e ku gotina wî bi hîkmet e, wateya hebûnê datîne navenda hunera xwe.

Orhanê got ku ji ber eleqeya mezin a bo semzpoyumê kêfxweş in û wiha axivî:

"Ev eleqe car din nîşan dide ku xezîneya Melayê Cizîrî hê jî çiqas zindş, bi ber û bereket e û di heman demê da çavkaniyek e ku hewcehî pê heye."

Orhanê diyar kir wisa bawer dike ku sempozyum dê agahiyên nû pêşkêş bike ka mîrateya Cizîrî dê çawa rêberiya mirovên roja me bike û got ku "Şopîneriya lêkolînerên ciwan a vê kevneşopiya mezin, anîna şîroveyên nê û bi zimanê demê vegotina nêrîna Cizîrî ji bo me hemûyan hêviyê dide. Ev xebat dê tenê nebin dewlemendiyeke akademîk di heman demê da ji bo ku mîrateya Cizîrî bigihêje girseyên mezintir, bîra me ya neteweyî zindî bimîne dê bibe wesîle."

Rektorê Zanîngeha Şirnexê Prof. Dr. Abdurrahîm Alkiş jî diyar kir ku Melayê Cizîrî dengê gur û nefesa letîf a Kurdî ya eşqa Xwedê û tesewûfa îslamê ye.

Qaymeqamê Cizîrî Ahmet Vezîr jî got ku sempozyum digel ku civîneke akademîk e dê di heman demê da bibe hevdîtineke girîng a ku alema manewî, dewlemendiya çandî û mîrateya îlma Cizîrî bi bîr tîne.

Doç. Dr. Ahmet Ozdemirp serokê lijneya lidarxistina sempozyumê jî got ku Melayê Cizîrî roij û atmosfereke manewî û nasnameyek da Cizîrê û hawirdora wê.

Ozdemîr diyar kir wisa bawer dike sempozyuma ku ji Sûriye, Almanya, Îran û Iraqê jî akademîsyen beşdar bûn dê piştgiriyê bide ku Melayê Cizîrî di qadên neteweyî û navneteweyî da bêtir bê naskirin.

Di sempozyuma ku berhemên Melayê Cizîrî hatin xwendina da pişt ra derbasî rûniştinan bû.