Ji Iraqê der barê eskerên Amerîkayê yên ji Sûriyeyê hatin da daxuyanî
Şaxa Medyayê ya Ewlehiya Iraqê: "Ji bo ku ev hêzên ji Sûriyeyê hatine (eskerên Amerîkayê) li Iraqê bimînin, tu pesendkirinek tune."
Baghdad
Rêvebiriya Iraqê daxuyand eskerên Amerîkayê yên ji Sûriyeyê vekişiyan û hatin Iraqê wê li welêt nemînin.
Şaxa Medyayê ya Ewlehiya Iraqê daxuyand eskerên Amerîkayê yên ji Sûriyeyê vekişiyan û hatin Herêma Kurdistana Iraqê (HKI) wê li welêt nemînin.
Di daxuyaniyê da wiha hat gotin: "Ji bo ku ev hêzên ji Sûriyeyê hatine (eskerên Amerîkayê) li Iraqê bimînin, tu pesendkirinek tune."
Wesayîtên bizirx ên eskerên Amerîkayê û tirên alavên eskerî tê da bûn duh ji Deriyê Sînor ê Sêmalkayê ketibûn Iraqê.
Hatibû îdiakirin esker wê li baregehên Amerîkayê yên li Balafirgeha Hewlêrê û li Eynul Eseda li Enbarê bi cih bibin.
Wezîrê Parastina Neteweyî yê Amerîkayê Mark Esper du roj berê daxuyaniyek dabû û gotibû hezar eskerên Amerîkayê yên li ser biryara Serokê Amerîkayê Donald Trump ji Sûriyeyê vekişiyane wê herin herêmên rojava yên Iraqê.