Çand û huner

Serlêdanên Festîvala Fîlmên Porteqala Zêrîn a Antalyayê ya 58em dest pê kir

Ayşe Yıldız   | 13.07.2021
Serlêdanên Festîvala Fîlmên Porteqala Zêrîn a Antalyayê ya 58em dest pê kir

Antalya

 Bi mazûvaniya Şaredariya Bajarê Mezin a Antalyayê di 2-9ê cotmehê da Festîvala Fîlmên Porteqala Zêrîn a Antalyayê ya 58em wê were lidarxistin û serlêdanên wê dest pê kir.

Muhîttîn Bocekê Şaredarê Bajarê Mezin daxuyanî da û diyar kir, seba Metraja Dirêj a Neteweyî, Belgefîlm û Kurtefîlman serlêdan li ser malpera înternetê ya festîvalê dikarin werin kirin.

Bocek daxuyand ku ew ê bi piştgiriya Wezareta Çand û Turîzmê festîvalê li dar bixin û di çarçoveya festîvalê da digel Fîlmên Metraja Dirêj ên Neteweyî, Belgefîlm û Kurtefîlman Pêşbaziya Fîlmên Metrajdirêj ên Navneteweyî û Foruma Fîlman a Antalyayê wê were lidarxistin, bi tevahî milyonek û 400 hezar lire xelat wê were belakirin.

Bocek daxuyand ku seba serlêdanê dîroka dawîn 9ê tebaxê ye.

Di Festîvala Fîlmên Porteqala Zêrîn a Antalyayê ya 58em da serokê festîvalê Muhîttîn Bocek, dîrektorê îdarî yê festîvalê Cansel Tuncer û derhêner jî Ahmet Boyacioglu, derhênera hunerê jî Başak Emre ye.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın